Oude-Rest

Oude-Rest is 'n groot en gemaklik gemeubileerde selfsorgwoonstel met 'n aparte ingang, geleë op die eienaar se eiendom in 'n stil deel van Oudtshoorn. Dit is 'n ideale opsie vir 'n klein gesinswegbreek vir diegene wat die gewoel van die stad wil ontsnap. Dit is ook gerieflik naby 2 nuwe winkelsentrums. Hierdie woonstel bied slaapplek vir altesaam 5 gaste (met 'n maksimum van 4 volwassenes) en bestaan uit 2 slaapkamers en 'n badkamer. Die hoofslaapkamer is gemeubileerd met 'n dubbelbed, terwyl die tweede slaapkamer met 2 enkelbeddens gemeubilier is. Die leefarea is ook gemeubileerd met 'n enkelslaapbank. 'n Stort, wasbak en toilet is in die badkamer beskikbaar. Alle linne en badhanddoeke word voorsien. Die oopplan-leefarea beskik oor 'n kombuis toegerus met 'n tweeplaatstoof, mikrogolfoond, yskas-vrieskas, eetgerei en breekware, asook 'n ontbyttoonbank met stoele. Daar is 'n wasmasjien en 'n droograk vir klere. Waspoeier word voorsien. Die kombuis lei na 'n sitarea met twee rusbanke en 'n slaapbank. 'n TV met stroomdienste en gratis WiFi is ook beskikbaar. Die eenheid maak oop na 'n oordekte patio en sluit privaat buitebraaigeriewe in. Gaste kry onderdakparkering agter 'n afstandbeheerde hek. Daar is 'n swembad beskikbaar en handdoeke word voorsien. Die gebruik van die swembad is slegs vir bespreekte gaste by Oude-Rest. Die woonstel het lugversorging en daar is 'n ekstra waaier vir die somer en elektriese komberse en paneel verwarmers vir die winter. Oudtshoorn bied 'n verskeidenheid aktiwiteite soos stap- en wandelroetes, bergfietsry, 4x4-roetes en kameelritte by Wilgewandel. Gaste kan ook verskeie besienswaardighede besoek soos die Kango-grotte, volstruisplase, die Kango-wildplaas, die CP Nel of die CJ Langenhoven Museum.